საქართველოს ეკონომიკის მინისტრი დიმიტრი ქუმსიშვილი აცხადებს, რომ მოსახლეობა ეროვნული ვალუტას დოლარსა და ევროში "ცუდი კურსის" დროს ახურდავებს, თუმცა ლარის გაუფასურების მთავარი მიზეზი, რეფერენდუმის გუშინდელი შედეგი, ბრიტანეთის ევროკავშირიდან გასვლაა:

"ეს არის ერთჯერადი გავლენა, რომელიც მოხდა ბრიტანეთის გასვლიდან გამომდინარე ევროკავშირიდან, რამაც გამოიწვია ევროს შესუსტება და დოლარის გამყარება და თავისთავად ეს აისახა ჩვენ ვალუტაზე".

ჟურნალისტებთან საუბრისას ქუმსიშვილმა მოსახლეობას მოუწოდა, ცუდი კურსის დროს ვალუტას ნუ გაყიდიან:

"მინდა, კიდევ ერთხელ მოვუწოდო ჩვენს მოსახლეობას, რომ მაშინ იყიდონ ვალუტა, როცა ეს მათ სჭირდებათ და მაშინ გაყიდონ, როცა ეს მათ სჭირდებათ, იმიტომ, რომ ძალიან ხშირად მოსახლეობა გადაწყვეტილებებს არასწორ დროს იღებს. როგორც წესი, ისინი ყიდიან ვალუტას ყველაზე ცუდ კურსში და აკეთებენ ამას პირიქით ასევე ყველაზე ცუდ კურსში. ძალიან მინდა, ყველას ვთხოვო, რომ მაშინ მოახდინოს ვალუტის გადახურდავება, ერთ მხარეს ან მეორე მხარეს, როცა ეს მათ სჭირდებათ ყველანაირი მოლოდინების გარეშე".

ლარმა გაუფასურება 1 კვირის წინ დაიწყო.