ეროვნული ბანკის 16 ნოემბრის გაცვლითი კურსით, 1 ევრო 4,83 თეთრით გაძვირდა და მისი ღირებულება 3,1920 ლარი გახდა.

ლარი გაუფასურდა დოლართან მიმართებითაც და ახალი ოფიციალური კურსით 1 აშშ დოლარის შეძენა უკვე 2,6955 ლარად არის შესაძლებელი, ცვლილებამ კი 1,25 თეთრი შეადგინა.

დღევანდელი, 15 ნოემბერის კურსით, ლარი ევროსთან მიმართებით 5,33 თეთრით გაუფასურდა, ევროსთან კი 2,92 თეთრით.

საქართველოს ეროვნული ბანკის ვიცე-პრეზიდენტმა, არჩილ მესტვირიშვილმა დღეს, 15 ნოემბერს განაცხადა, რომ ლარს ე.წ. მცურავი გაცვლითი კურსი აქვს და მისთვის დამახასიათებელია ცვალებადობა. მისი თქმით, ის ფუნდამენტური ფაქტორები, რომელიც ლარის კურსზე ახდენს გავლენას პოზიტიურია.

"მოლოდინების მხრიდან არის ეს ქცევა გამოწვეული. ჩვენ რასაც ვხედავთ, ის იმპორტიორები, რომლებიც ადრე იანვარსა და თებერვალში ყიდულობდნენ ვალუტას, მათ დაიწყეს შესყიდვა ჯერ კიდევ აგვისტოდან და ახლა არის ეს უფრო გააქტიურებული, რაც ასევე მოლოდინებთანაა დაკავშირებული", - აღნიშნა ეროვნული ბანკის ვიცე-პრეზიდენტმა.