უკვე ცნობილია ვინ რა თანამდებობაზე იმუშავებს 2017 წლის მოწვევის თბილისის საკრებულოში. როგორც ქართული ოცნების პრესსამსახური ავრცელებს ინფორმაციას, თავმჯდომარის თანამდებობაზე გიორგი ტყემალაძის კანდიდატურაა წარდგენილი, მის პირველ მოადგილედ კი - გიორგი ახვლედიანი. თავმჯდომარის მოადგილის თანამდებობას დაიკავებენ მარიკა დარჩია და დავით უჯმაჯურიძეც.

პარტიაში აღნიშნავენ, რომ საკრებულოში დაგეგმილია რეორგანიზაცია და სტრუქტურული ცვლილებები. ადამიანის უფლებების დაცვის კომისია გაერთიანდება იურიდიულ საკითხთა კომისიასთან, ხოლო ურბანული დაგეგმარების და საქალაქო მეურნეობის კომისიას გამოეყოფა ტრანსპორტის საკითხები და ცალკე კომისიად ჩამოყალიბდება.

ამ ეტაპისთვის, არსებული კომისიების ხელმძღვანელები კი იქნებიან:

  • სარევიზიო კომისია - რიმა ბერაძე;
  • იურიდიული საკითხთა კომისია - ლევან ჟორჟოლიანი;
  • ჯანმრთელობის დაცვის და სოციალურ საკითხთა კომისია - გიორგი ბირბიჩაძე;
  • განათლებისა და კულტურის კომისია - თამარ ტალიაშვილი;
  • სპორტისა და ახალგაზრდულ საქმეთა კომისია - გიორგი ჩაკვეტაძე;
  • ურბანული დაგეგმარების და საქალაქო მეურნეობის კომისია - რევაზ სოხაძე;
  • გარემოს დაცვის კომისია - ერეკლე კუხიანიძე;
  • ქონების მართვის და საფინანსო-საბიუჯეტო კომისია - ირაკლი ზარქუა;
  • ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისია - ოთარ გრიგოლია;
  • სახელდებისა და სიმბოლიკის კომისია - თინათინ ნიბლოშვილი;
  • მერთან არსებული თვითნებურად დაკავებულ მიწაზე საკუთრების უფლების აღიარების კომისია - ანა ლაშხი.

რაც შეეხება ადამიანის უფლებათა დაცვისა და სამოქალაქო ინტეგრაციის კომისიას, მას იურიდიულ საკითხთა კომისიასთან გაერთიანებამდე, დროებით უხელმძღვანელებს თედო ისაკაძე, რომელიც შემდგომში დაიკავებს სატრანსპორტო საკითხთა კომისიის ხელმძღვანელის თანამდებობას.