გაეროს თანამშრომლების მხრიდან სექსუალურ ძალადობასა და ექსპლუატაციაზე ორგანიზაციაში 31 საჩივარი შევიდა, წერს Reuters. საჩივრების ნაწილი დევნილთა საკითხებში გაეროს სააგენტოს თანამშრომლებს ეხებათ, ნაწილი კი სამშვიდობო მისიების სამხედრო პერსონალს.

როგორც ორგანიზაციის პრესმდივანი ამბობს, 14 საქმეზე გამოძიებაა დაწყებული და აქედან ერთი დადასტურებულია.

31 საქმიდან 12 ეხებათ სამშვიდობო მისიების სამხედრო მოსამსახურეებს, რომლებიც ცენტრალურ აფრიკასა და მალიში მსახურობდნენ. 15 საქმე გაეროს ლტოლვილთა უმაღლესი კომისრის ოფისის მომსახურე პერსონალს ეხება. სამი საქმე მიგრაციის საერთაშორისო ორგანიზაციასა და გაეროს ბავშვთა ფონდს მოიცავს.

პრესმდივნის განმარტებით, ამ საქმეებიდან ათი 2017 წელს მოხდა, ორი 2015-ში ან უფრო ადრე, ხოლო დანარჩენი თერთმეტის თარიღები უცნობია. მისივე თქმით, 19 საქმე სექსუალურ ექსპლუატაციას და 10 სექსუალურ ძალადობას ეხება, ხოლო 2 საქმის შინაარსი უცნობია.