სასჯელარღსრულებისა და პრობაციის სამინისტროში განმარტავენ, რომ ადგილობრივი საბჭო საქართველოს შინაგან საქმეთა ყოფილი მინისტრისა და პრემიერ-მინისტრის, ივანე მერაბიშვილის გათავისუფლების საკითხს ამ ეტაპზე ვერ განიხილავს. ასე გამოეხმაურა სასჯელაღსრულების უწყება ივანიშვილის ადვოკატის, გიორგი ჩივიაშვილის მიერ გავრცელებულ ინფორმაციას.

"მსჯავრდებულ ივანე მერაბიშვილს დღეის მდგომარეობით, არ აქვს მოხდილი სასჯელის მოხდისგან პირობით ვადამდე გათავისუფლებისათვის კანონით განსაზღვრული ვადა", - აღნიშნავენ სასჯელაღსრულების სამინისტროში.

მერაბიშვილის ადვოკატი ამბობს, რომ მისი დაცვის ქვეშ მყოფს სასჯელაღსრულების დაწესებულებაში ვადაზე ადრე გათავისუფლების შესახებ შეტყობინება უკვე გადასცეს და განუმარტეს, რომ მას გათავისუფლების მექანიზმით სარგებლობის უფლება აქვს.

"მერაბიშვილთან ეს პერიოდი დამდგარია. ეს დამოკიდებულია მთლიანად სასჯელაღსრულების იმ კომისიაზე, რომელმაც უნდა განიხილოს და ხელისუფლებაზე. მერაბიშვილის დაპატიმრება პოლიტიკური პროცესი იყო. მისი გათავისუფლებაც იქნება პოლიტიკური პროცესი და შესაბამისად, დამოუკიდებულია ხელისუფლების ნებაზე. ამ შემთხვევაში მერაბიშვილს არავისთვის მიუმართავს, ჩვენ არ გაგვიკეთებია მოთხოვნა ან თხოვნა ვინაიდან, ამ პროცედურის გავლა თვითონ ხელისუფლებას ევალება," - განაცხადა ადვოკატმა, გიორგი ჩივიაშვილმა.