სახელმწიფო დაზვერვის სამსახური ახალი შენობისთვის 360 859 ლარის ავეჯის ყიდვას გეგმავს. უწყებამ ავეჯის შესაძენად ტენდერი 25 ოქტომბერს გამოაცხადა, წინადადებების მიღება კი 3 ნოემბერს დაიწყება.

როგორც სატენდერო წინადადებიდან ირკვევა, გამარჯვებულმა დაზვერვის სამსახურს ავეჯი ხელშეკრულების გაფორმებიდან ორ თვეში უნდა მიაწოდოს და დამკვეთის სურვილის მიხედვით განალაგოს.

360 859 ლარის ფარგლებში შეძენილ ავეჯზე ერთწლიანი საგარანტიო პერიოდია მოთხოვნილი.

პირი, რომელიც ტენდერში გადაწყვეტს მონაწილეობას მინიმუმ ორწლიანი გამოცდილება და ჯამში 400 ათასი ლარის მომსახურება უნდა ჰქონდეს გაწეული. გარდა ამის, აუცილებელია, რომ კომპანიას მანამდე მინიმუმ 100 ათასლარიანი მომსახურება ჰქონდეს ერთი დამკვეთისთვის.