მტკვარში მანქანის გადავარდნის საქმეზე 1 პირი დააკავეს. შინაგან საქმეთა სამინისტროს ინფორმაციით, 2 ივნისს ბრალდებული მანქანას მართავდა რა დროსაც იქვე მოძრავ ავტომობილებს შეეჯახა, რის შემდეგაც ერთ-ერთი ავტომობილის მძღოლმა საჭე ვერ დაიმორჩილა და მდინარე მტკვარში გადავარდა.

შსს-ის ინფორმაციით, მტკვარში გადავარდნილი მძღოლის სამძებრო სამუშაოები კვლავ გრძელდება

"გამოძიებით დადგინდა, რომ ბრალდებულმა მიმდინარე წლის 2 ივნისს, მისი მართვის ქვეშ არსებული ავტომობილით გადაადგილებისას შექმნა ავარიული ვითარება და შეეჯახა იქვე მოძრავ ავტომობილებს, რის შემდეგაც ერთ-ერთი ავტომობილის მძღოლმა საჭე ვერ დაიმორჩილა და მდინარე მტკვარში გადავარდა.

აღნიშნული მძღოლის საძიებო სამუშაოები ამ დრომდე უწყვეტ რეჟიმში მიმდინარეობს, რომელშიც მეხანძრე-მაშველებთან ერთად ჩართულები არიან მყვინთავთა ჯგუფი და ყველა შესაბამისი სამაშველო სპეც-ტექნიკა.

მომხდარ ფაქტზე გამოძიება სისხლის სამართლის კოდექსის 276-ე მუხლით მიმდინარეობს," — ვკითხულობთ განცხადებაში.