მოკლული გიგა ავალიანის დედამ, ეკა კუპატაძემ ტელეკომპანია "ფორმულას" ეთერში არასრულწლოვან მსჯავრდებულებზე და მათ ოჯახებზე ისაუბრა. კუპატაძემ განაცხადა, რომ ის მზად იყო მოსამართლესთვის სასჯელის შემსუბუქება ეთხოვა, თუ დ.ჩ.-სგან გულწრფელ მონანიებას მოისმენდა. გარდაცვლილის დედის განმარტებით, ოჯახმა სასამართლო პროცესზე არასრულწლოვანს საუბრის უფლება არ მისცა.

"სიმართლე გითხრათ, დამწყვიტა გული და ამას ვამბობ, იცით როგორ გულწრფელად? როგორი წრფელი ცრემლიც კი გავალას ესმება ჩემგან. მე ა. ნ.-ს და დ. ჩ.-ს საბოლოო სიტყვის თქმის სასამართლო პროცესზე მივედი. მინდოდა მომესმინა მათთვის და დამენახა სახეზე, როგორი ემოცია ჰქონდათ. თუკი ისინი სინანულს ან მწუხარებას გამოთქვამდნენ. რა თქმა უნდა, არ ყოფილა სინანული, არ ყოფილა მწუხარება. მაგრამ მინდოდა, რომ დამენახა და როცა დ. ჩ.-ის სიტყვის თქმის დრო მოვიდა, იმ წამში, აი გეფიცებით, როგორი წრფელი ცრემლიც ეცემა გიგას, ისე წრფელად გავიფიქრე, ახლა რომ დ.-მ წრფელად მოინანიოს, მე ვთხოვ მოსამართლეს, რომ წლები შეუმსუბუქოს. [...]
და დ. ჩ.-ს სიტყვაც კი არ ათქმევინა ოჯახმა, იცით? იქნებ იმ ბავშვმა მართლა იფიქრა ... იმიტომ, რომ მე ერთ მომენტში მისგან დავინახე, ხელებს იჭამდა და სახეზე აფარებული ჰქონდა და მეგონა, რომ ის ნერვიულობდა და განიცდიდა. მე ასე მინდოდა, შესაძლოა და იმიტომ მეგონა, არ ვიცი. ფაქტი არის ის, რომ სიტყვა არ ათქმევინეს. ახლა ვის გჯერათ, რომ ეს დემეტრემ თვითონ მიიღო გადაწყვეტილება, რომ "მოდი, ეკას მე არაფერს არ ვეტყვი?" — განაცხადა კუპატაძემ.

შეგახსენებთ, გიგა ავალიანის საქმეზე არასრულწლოვან მსჯავრდებულ დ. ჩ.-ს 9 წლით და 9 თვით, ა. ნ.-ს კი — 5 წლით და 3 თვით პატიმრობა შეეფარდათ.