დღეს, 26 მაისს ოპოზიციის ალიანსის ორგანიზებით საპროტესტო აქცია გაიმართება. მათი ინფორმაციით, აქციის მონაწილეები 19:00 საათიდან თბილისის სახელმწიფო უნივერსიტეტის პირველ კორპუსთან შეიკრიბებიან და შემდეგ მარშით რუსთაველზე წავლენ.

შეგახსენებთ, რომ აქციის ორგანიზატორებმა შსს-სგან და მერიისგან აქციის გამართვასა და შესაბამისი კონსტრუქციის გამართვაზე უარი მიიღეს. ამის მიუხედავად, "კოალიცია ცვლილებისთვის" ლიდერმა, ნიკა გვარამიამ გუშინ გამართულ პრესკონფერენციაზე განაცხადა, რომ გეგმავენ, ადგილზე მაინც შეიტანონ ტექნიკა, დაამონტაჟონ სცენა, ეკრანები და სრულფასოვანი აქცია გამართონ, გააკეთონ "ის, რისი უფლებაც გვაქვთ".