უფასო სასკოლო კვების მოთხოვნით 10 000 ხელმოწერა შეგროვდა. ამის შესახებ ინფორმაციას მოძრაობა "ხმა" ავრცელებს. მათი განმარტებით, დარჩენილია ერთ თვეზე ოდნავ მეტი და 20 000 ხელმოწერა

"ორ კვირაზე ნაკლებ დროში მეგობრებთან და მოკავშირეებთან ერთად 10 000 ცოცხალი/ფიზიკური ხელმოწერა შევაგროვეთ.

დარჩენილია ერთ თვეზე ოდნავ მეტი და 20 000 ხელმოწერა. საქმის ბოლომდე მიყვანას თქვენი მონაწილეობის გარეშე ვერ შევძლებთ.

ჩვენ ვმუშაობთ ენთუზიაზმით, მაგრამ ენთუზიაზმი ფურცლების, პასტების, კვების, გადაადგილების და ნოტარიული დამოწმების ხარჯებს არ ფარავს.

გააკეთეთ დონაცია, რომ პროცესი ბოლომდე მივიყვანოთ. გაიღე, რამდენიც შეგიძლია.
უფასო საკვები სკოლებს!

საქართველოს ბანკი: #GE29BG0000000354505800

თბს: #GE37TB7757345061100085", — წერია განცხადებაში.

ცნობისთვის, მოძრაობა "ხმამ" უფასო საკოლო კვების დასანერგად ხელმოწერების შეგროვება 20 აპრილს დაიწყო. ისინი საკანონმდებლო ინიციატივის წარდგენას აპირებენ, რასაც 25 000 ფიზიკური ხელმოწერა სჭირდება.

შეგახსენებთ, მოძრაობა "ხმის" ორგანიზებით 2023 წელს, თბილისში "მარში შიმშილის წინააღმდეგ" გაიმართა. მარშის მთავარი მიზანი შიმშილთან ბრძოლა იყო, რაც, მათი თქმით, სკოლებში უფასო კვების დანერგვით უნდა დაწყებულიყო.