დიპლომატებმა და ევროპარლამენტარებმა სამშაბათს გვიან ღამით მიაღწიეს შეთანხმებას ევროკავშირსა და აშშ-ს შორის არსებული სადავო ხელშეკრულების იმპლემენტაციის თაობაზე, რომელიც აუქმებს გადასახადს ევროპაში იმპორტირებული ამერიკული სამრეწველო საქონლის უმეტესობაზე.

მოლაპარაკებები დასრულებას წინ უძღოდა ორი კვირის წინ აშშ-ის პრეზიდენტ დონალდ ტრამპის მუქარა ევროკავშირიდან იმპორტირებულ ავტომობილებზე 25%-იანი ტარიფების დაწესებით შესახებ, თუ ისინი 4 ივლისამდე არ აამოქმედებდნენ შეთანხმებას, რომელსაც გასულ ზაფხულს ტრამპმა და ევროკომისიის პრეზიდენტმა ურსულა ფონ დერ ლაიენმა შოტლანდიის ქალაქ ტერნბერიში მიაღწიეს.

დროებითი შეთანხმება მიღწეულია ორ რეგულაციაზე, რომლებიც მიზნად ისახავს ევროკავშირი-აშშ-ის 2025 წლის 21 აგვისტოს ერთობლივი განცხადების სატარიფო ასპექტების იმპლემენტაციას.

ე.წ. "ტერნბერის შეთანხმების" მიხედვით, რომელსაც ევროპარლამენტარები დისბალანსის გამო აკრიტიკებენ, ევროკავშირის საქონელზე აშშ ტარიფებს 15%-მდე ზრდის.

ევროპარლამენტარებს ეს გარიგება რამდენიმე კვირის განმავლობაში გაყინული ჰქონდათ მიმდინარე წლის დასაწყისში გრენლანდიასთან დაკავშირებით ტრამპის მუქარის გამო. მათ შეთანხმების მოქმედება ასევე შეაჩერეს მას შემდეგ, რაც აშშ-მ ახალი ტარიფები შემოიღო უზენაესი სასამართლოს გადაწყვეტილების კვალდაკვალ, რომელმაც უკანონოდ გამოაცხადა თეთრი სახლის მიერ დაწესებული ტარიფები ტრამპის ხელისუფლებაში დაბრუნების შემდეგ.

წინასწარი შეთანხმების დოკუმენტები, მათი ტექნიკურ დონეზე დამუშავების შემდეგ, ევროპარლამენტმა და საბჭომ უნდა დაამტკიცონ.

შეთანხმება ასევე შეიცავს დამცავ მექანიზმს, რომელიც ევროკავშირს საშუალებას აძლევს, აშშ-დან იმპორტის შესაძლო მნიშვნელოვან ზრდაზე რეაგირება მოახდინოს თუ ეს ზიანს აყენებს ან საფრთხეს უქმნის ადგილობრივ მწარმოებლებს ან იმ შემთხვევაში, თუ აშშ არ შეასრულებს ერთობლივი განცხადების პირობებს ან დისკრიმინაციულად იმოქმედებს ევროპული ოპერატორების წინააღმდეგ.