2-წლიანი პაუზის შემდეგ Mercedes-Benz Fashion Week დაბრუნდა. მოდის კვირეული 7-10 მაისის ჩათვლით გაგრძელდა და ქართველმა მოდისა და კულტურის მოყვარულებმა ამ ოთხი დღის განმავლობაში Factory Tbilisi-ის სივრცეში მოიყარეს თავი. წლევანდელი სეზონი მხოლოდ მოდის ჩვენებებით არ შემოიფარგლებოდა და სხვადასხვა კულტურული მიმართულების გაერთიანებითაც გამოირჩეოდა.

კვირეულის ფარგლებში გაიმართა მილანში მოღვაწე ეთნიკურად აზერბაიჯანელი ქართველი არტისტისა და დიზაინერის გალიბ გასანოვის გამოფენა. საგამოფენო სივრცეში ასევე სიმონ მაჩაბელის ნამუშევრებიც იყო წარმოდგენილი. ოთხი დღის განმავლობაში მაყურებელმა ერთმანეთისგან განსხვავებული კონცეფციის მოდების ჩვენება იხილა — თითოეულ დიზაინერს საკუთარი ხედვა, ესთეტიკა და სათქმელი ჰქონდა, რაც კვირეულს მრავალფეროვანსა და განსაკუთრებით საინტერესოს ხდიდა.

მოდის კვირეული ევროპის დღისადმი მიძღვნილი ღონისძიებით დასრულდა, სადაც ქართული და ევროპული კულტურა ერთ სივრცეში გაერთიანდა. საღამოს ფარგლებში მაყურებლის წინაშე წარდგა შვედი მუსიკოსი Jay-Jay Johanson, რომელსაც აკომპანიმენტს ნიკოლოზ რაჭველი სიმფონიური ორკესტრის თანხლებით უწევდა. მსმენელმა ასევე ქართული ხალხური გუნდი "შავნაბადაც" იხილა, რომელმაც კონცერტის დასასრულს Jay-Jay Johanson-თან ერთადაც იმღერა. მოდის კვირეულის სპონსორი ტრადიციულად Coca-Cola Bottlers Georgia იყო.

On.ge-ის სრულ სიუჟეტს მოდის კვირეულის შესახებ იხილავთ აქ.