"ჩვენ მზად ვართ ღია დიალოგისთვის ყველა თემასთან დაკავშირებით. აქედან გამომდინარე, პოზიცია ნათელია. რა თემაც არ უნდა იყოს, დაწყებული კანონებით", — ამის შესახებ ირაკლი კობახიძემ ჟურნალისტებთან საუბრისას განაცხადა. მისი თქმით, გამჭვირვალობის კანონის მიღებით, ქვეყანაში სიმშვიდის და სტაბილურობის მიღწევა შეძლეს. მისივე განმარტებით, მანამდე ყველა რევოლუციის მცდელობა "იყო გარედან მხარდაჭერილი და გარედან დაფინანსებული".

"ჩვენ მზად ვართ ღია დიალოგისთვის ყველა თემასთან დაკავშირებით. აქედან გამომდინარე, პოზიცია ნათელია. რა თემაც არ უნდა იყოს, დაწყებული კანონებით. თქვენ იცით, რომ მას შემდეგ, რაც მივიღეთ კონკრეტული კანონები — გამჭვირვალობის კანონმდებლობა, მოვახერხეთ ქვეყანაში სიმშვიდის და სტაბილურობის მიღწევა. მანამდე იყო რევოლუციის 5 მცდელობა 4 წელიწადში. ყველა ეს მცდელობა იყო გარედან მხარდაჭერილი და გარედან დაფინანსებული. მივიღეთ გამჭვირვალობის კანონმდებლობა და ქვეყანა დამშვიდდა. ისევ უნდათ, რომ დაბრუნდეს ძველი მდგომარეობა. რისთვის უნდათ? ნუ, ცხადია, რისთვისაც უნდათ — იმისათვის, რომ არეულობას მიაღწიონ", — განაცხადა ირაკლი კობახიძემ.