მართალია, House of the Dragon-ის მესამე სეზონის პრემიერამდე დიდი დროა დარჩენილი, თუმცა ტრეილერების ნაკლებობას ჯერჯერობით არ ვუჩივით. ახლახან HBO-მ სერიალის კიდევ ერთი ტრეილერი გაავრცელა და როგორც ჩანს, წინ დაძაბული ბრძოლები ნამდვილად გველის.

სამეფო ტახტისთვის ბრძოლა კვლავ გრძელდება, რაშიც ამჯერად დრაკონებიც ერთვებიან. მიზნის მისაღწევად კი პერსონაჟებს განსხვავებული სტრატეგიები აქვთ, რაც ტრეილერიდან გამომდინარე, სისხლისა და ცეცხლის გარეშე ნამდვილად ვერ დასრულდება!

House of the Dragon მე-3 სეზონით რამდენიმე ახალ მსახიობთან ერთად დაგვიბრუნდება. სერიალის ახალ სეზონში ჯეიმს ნორტონს, ტომი ფლანაგანსა და დენ ფოლგერს ვიხილავთ. სერიალის მსახიობების ძირითადი ნაწილი კი უცვლელი რჩება. მე-3 სეზონში მეთ სმიტს, ოლივია ქუქს, ემა დარსის, სტივ ტუსენს, იუენ მიტჩელს და სხვა პერსონაჟების შემსრულებელ მსახიობებს ისევ ვიხილავთ.

House of the Dragon-ის მე-3 სეზონის პრემიერა 21 ივნისს შედგება.