ქართული ოცნების დეპუტატმა, თენგიზ შარმანაშვილმა კობახიძე-რუბიო სატელეფონო ზარზე ჟურნალისტებთან საუბრისას განაცხადა, რომ აშშ-ის წარმომადგენლები ალბათ აქაც ჩამოვლენ და თავადაც ჩავლენ აშშ-ში.

"ალბათ აქაც ჩამოვლენ, ალბათ ჩვენც ჩავალთ, შეიძლება სხვადასხვა ქვეყნებშიც შევხვდეთ. ეს იქნება ყველა ფორმატი, რომლის გამოყენებაც შეიძლება ამ ურთიერთობების გასაუმჯობესებლად. კონკრეტულად რა იქნება, კიდევ გიმეორებთ, ეს რომ საჭირო ყოფილიყო, ბატონი კახი წინასწარ გაახმოვანებდა," — განაცხადა შარმანაშვილმა.

შეგახსენებთ, 30 მარტს, მარკო რუბიო ირაკლი კობახიძეს ტელეფონით ესაუბრა. 1-ელ აპრილს კი თბილისის მერმა, კახა კალაძემ "რუსთავი 2-ის" ეთერში განაცხადა, რომ აპრილში აშშ-სა და საქართველოს შორის სხვადასხვა ტიპის შეხვედრებია დაგეგმილი, რაც, იმედია, სასიხარულო იქნება ქართული საზოგადოებისთვის.