აშშ-ში რუსეთის დუმის წევრები ჩავიდნენ. კრემლის პრესმდივნის, დიმიტრი პესკოვის თქმით, ეს ვიზიტი შეერთებულ შტატებში მოსკოვსა და ვაშინგტონს შორის კონტაქტების აღსადგენად "ძალიან საჭირო დიალოგია".

რუსულმა საინფორმაციო სააგენტოებმა, სახელმწიფო დუმის საერთაშორისო საქმეთა კომიტეტის ხელმძღვანელ ლეონიდ სლუცკიზე დაყრნობით, ხუთშაბათს გაავრცელეს ინფორმაცია, რომ რუსეთის დუმის დელეგაციაში შედიან ვიაჩესლავ ნიკონოვი, ბორის ჩერნიშოვი და სვეტლანა ჟუროვა. როგორც Reuters წერს. ვიაჩესლავ ნიკონოვი იოსებ სტალინის საგარეო საქმეთა მინისტრის, ვიაჩესლავ მოლოტოვის შვილიშვილია.

"...ჩვენმა პარლამენტარებმა პრეზიდენტისგან ყველა ინსტრუქცია მიიღეს და, რა თქმა უნდა, პრეზიდენტი საფუძვლიანად იქნება ინფორმირებული შეერთებულ შტატებში დაგეგმილი კონტაქტების შედეგების შესახებ", — თქვა პესკოვმა.

"ეს ძალიან აუცილებელი დიალოგია“. ეს ორ ქვეყანას შორის დიალოგის ძალიან მნიშვნელოვანი სფეროა, რომელიც ასევე მთლიანად გაიყინა და ვიმედოვნებთ, რომ ეს პირველი პროგნოზირებადი ნაბიჯები აუცილებლად შეუწყობს ხელს ჩვენი ორმხრივი კომუნიკაციის შემდგომ აღორძინებას, რაც როგორც ვაშინგტონის, ასევე მოსკოვის ინტერესებში იქნება", — განაცხადა პესკოვმა.