აშშ-ის პრეზიდენტი დონალდ ტრამპი ამტკიცებს, რომ თეირანს ვაშინგტონთან შეთანხმების მიღწევა სურს მიუხედავად იმისა, რომ ირანმა ოფიციალურად უარყო მისი 15-პუნქტიანი სამშვიდობო გეგმა. რესპუბლიკელთა ყრილობაზე სიტყვით გამოსვლისას ტრამპმა აღნიშნა, რომ ირანის ლიდერები მოლაპარაკებებს საკუთარი ხალხის შიშით მალავენ. ამის შესახებ ინფორმაციას Euronews ავრცელებს.

პარალელურად, კონფლიქტის ზონაში ვითარება უკიდურესად იძაბება. აშშ-ისა და ისრაელის დარტყმები ირანზე გააქტიურდა. აფეთქებები მოხდა ისპაჰანში, სტრატეგიულ ქალაქში, სადაც ქვეყნის უმსხვილესი სამხედრო ბაზები და ბირთვული ობიექტებია განთავსებული. იერიშის სამიზნე გახდა ქალაქი მაშჰადიც.

მეორეს მხრივ, თეირანი აგრძელებს სარაკეტო და დრონებით თავდასხმებს ისრაელსა და მეზობელ ყურის ქვეყნებზე, სადაც აშშ-ის ბაზებია განლაგებული. საჰაერო განგაშის სირენები ჩაირთო თელ-ავივსა და ისრაელის ცენტრალურ ნაწილში.

პაკისტანმა და თურქეთმა მედიატორის როლი იკისრეს, თუმცა ირანის საგარეო საქმეთა მინისტრი აბას არაღჩი ყოველგვარ მოლაპარაკებას უარყოფს. თეირანი ვაშინგტონისგან ომის ზარალის ანაზღაურებას და უსაფრთხოების გარანტიებს ითხოვს.

ტრამპმა თეირანი კიდევ ერთხელ აღნიშნა, რომ შეთანხმებაზე უარის თქმის შემთხვევაში, ის მზად არის ქვეყანას "ჯოჯოხეთი მოუწყოს" და იმაზე ძლიერად დაარტყას, "ვიდრე ოდესმე დაურტყამთ".