აშშ-ის პრეზიდენტი დონალდ ტრამპი მხარდაჭერას უცხადებს უნგრეთის პრემიერ ვიქტორ ურბანს და უნგრელებს მოუწოდებს, რომ საპარლამენტო არჩევნებში, რომელიც მიმდინარე წლის 12 აპრილს უნდა ჩატარდეს, მხარი მას დაუჭირონ.

"უნგრეთის უაღრესად პატივცემული პრემიერმინისტრი, ვიქტორ ორბანი, ნამდვილად ძლიერი და ძლევამოსილი ლიდერია, რომელსაც ფენომენალური შედეგების მიღწევის დადასტურებული გამოცდილება აქვს. ის დაუღალავად იბრძვის და უყვარს თავისი დიდი ქვეყანა და ხალხი, ისევე როგორც მე ამერიკის შეერთებული შტატებისთვის. ვიქტორი ბევრს შრომობს უნგრეთის დასაცავად, ეკონომიკის გასაზრდელად, სამუშაო ადგილების შესაქმნელად, ვაჭრობის ხელშეწყობისთვის, არალეგალური იმიგრაციის შესაჩერებლად და კანონისა და წესრიგის უზრუნველსაყოფად! უნგრეთსა და შეერთებულ შტატებს შორის ურთიერთობებმა თანამშრომლობის ახალ სიმაღლეებს მიაღწია და ჩემი ადმინისტრაციის დროს სანახაობრივი მიღწევები მოიპოვა, რაც დიდწილად პრემიერმინისტრ ორბანის დამსახურებაა. მოუთმენლად ველი მასთან მჭიდრო თანამშრომლობის გაგრძელებას, რათა ჩვენმა ორივე ქვეყანამ შეძლოს წარმატებისა და თანამშრომლობისკენ მიმავალი ამ უზარმაზარი გზის წინსვლა. მე ვამაყობდი, რომ ვიქტორს 2022 წელს ხელახლა არჩევნებში დავუჭირე მხარი და ამის გაკეთება კიდევ ერთხელ დიდი პატივია. არჩევნების დღეა 2026 წლის 12 აპრილი. უნგრეთო: გადით და ხმა მიეცით ვიქტორ ორბანს. ის ნამდვილი მეგობარი, მებრძოლი და გამარჯვებულია და მას აქვს ჩემი სრული და ყოვლისმომცველი მხარდაჭერა უნგრეთის პრემიერმინისტრის თანამდებობაზე ხელახლა არჩევისთვის — ვიქტორ ორბანი არასდროს გაუცრუებს იმედს უნგრეთის დიდებულ ხალხს. მე მასთან ვარ ბოლომდე!", — წერს აშშ-ის პრეზიდენტი დონალდ ჯ. ტრამპი სოციალურ ქსელში.