ამერიკის შეერთებულმა შტატემა ირანისთვის მიცემული 48 საათი ხუთ დღემდე გაზარდა. ამის შესახებ აშშ-ის პრეზიდენტი დონალდ ტრამპი სოციალურ ქსელში წერს და ღნიშნავს, რომ ირანის ელექტროსადგურებზე თავდასხმა გადავადებულია. მისი განმარტებით, ამერიკის შეერთებულ შტატებსა და ირანის სახელმწიფოს შორის, ბოლო ორი დღის განმავლობაში, ახლო აღმოსავლეთში საომარი მოქმედებების სრული და საბოლოო მოგვარების შესახებ პროდუქტიული საუბრები შედგა.

"მოხარული ვარ შეგატყობინოთ, რომ ამერიკის შეერთებულ შტატებსა და ირანის სახელმწიფოს შორის, ბოლო ორი დღის განმავლობაში, შედგა ძალიან კარგი და პროდუქტიული საუბრები ახლო აღმოსავლეთში ჩვენი საომარი მოქმედებების სრული და საბოლოო მოგვარების შესახებ. ამ სიღრმისეული, დეტალური და კონსტრუქციული საუბრების ხასიათიდან და ტონიდან გამომდინარე, რომელიც მთელი კვირის განმავლობაში გაგრძელდება, მე მივეცი მითითება ომის დეპარტამენტს, რათა ხუთი დღის ვადით გადაავადოს ნებისმიერი და ყველა სამხედრო დარტყმა ირანის ელექტროსადგურებსა და ენერგეტიკულ ინფრასტრუქტურაზე, რაც დამოკიდებული იქნება მიმდინარე შეხვედრებისა და დისკუსიების წარმატებაზე", — დაწერა პრეზიდენტმა.

ცნობისთვის, მანამდე დონალდ ტრამპმა განაცხადა, რომ ირანს ჰორმუზის სრუტის სრულად გასახსნელად 48 საათს აძლევდა. წინააღმდეგ შემთხვევაში მან ირანის სხვადასხვა ელექტორადგურზე დარტყმით დაიმუქრა.