აშშ-ის პრეზიდენტი, დონალდ ტრამპი ირანის გოგონათა სკოლის დაბომბვაზე ამერიკის ბრალეულობას უარყოფს და ირანს ადანაშაულებს.

"ჩემი აზრით, რაც ვნახე და რაც ვიცი, ეს ირანის გაკეთებულია... ჩვენ ვფიქრობთ, რომ ეს ირანმა ჩაიდინა, რადგან მათი საბრძოლო მასალა ძალიან არაზუსტია — მათ საერთოდ არ აქვთ სიზუსტე. ეს ირანის გაკეთებულია," — განაცხადა ტრამპმა.

CBS News-ის ინფორმაციით, ისრაელი ამ ტერიტორიაზე საჰაერო დარტყმებს არ ანხორციელებდა და ისრაელის წყარომ დასძინა რომ "ისრაელის საჰაერო ძალები სკოლასთან ახლოს არ მოქმედებდნენ".

შეგახსენებთ, 28 თებერვალს, ირანში, ქალაქ მინაბში დაწყებითი კლასების გოგონათა სკოლა დაიბომბა, რამაც 168 ადამიანი იმსხვერპლა. გარდაცვლილთა ზუსტი რაოდენობა ამ დროისთვის უცნობია. გავრცელებული ინფორმაციით, გარდაცვლილებიდან უმეტესობა 7-12 წლამდე ბავშვია.