საქართველოს მეხუთე პრეზიდენტი, სალომე ზურაბიშვლი ოპოზიციური პარტიების ალიანსის შექმნას სოციალურ ქსელშ გამოეხმაურა. მისი განმარტებით ეს ნაბიჯი ნიშნავს,რომ ეს ნიშნავს, რომ საქართველოში დემოკრატიული ძალები მზად არიან აიღონ ინიციატივა და იმოქმედონ ქვეყნის გადასარჩენად. მისივე თქმით, ეს სტრატეგია უნდა გახდეს საფუძველი პოლიტიკური და საზოგადოებრივი ძალების ერთიანი ბრძოლისათვის — რეჟიმის ცვლილებისა და მშვიდობიანი გარდაქმნის უზრუნველსაყოფად.

"მივესალმები შექმნილ ოპოზიციურ ალიანსს!

ასეთ დროს, როდესაც განსხვავებული პოლიტიკური ძალები თანხმდებიან ძირითად პრინციპებზე, ეს ნიშნავს, რომ საქართველოში დემოკრატიული ძალები მზად არიან აიღონ ინიციატივა და იმოქმედონ ქვეყნის გადასარჩენად.

როგორც ქართული ქარტიის ინიციატორი, ამ წამოწყებაში ვხედავ მნიშვნელოვან და ახალ ნაბიჯს, რომელიც მიგვიყვანს კონკრეტულ ტრანზიციის სტრატეგიამდე. ეს სტრატეგია უნდა გახდეს საფუძველი პოლიტიკური და საზოგადოებრივი ძალების ერთიანი ბრძოლისათვის — რეჟიმის ცვლილებისა და მშვიდობიანი გარდაქმნის უზრუნველსაყოფად.

ქარტიისა და წინააღმდეგობის პლატფორმის გამოცდილება გვასწავლის, რომ ყოველგვარ პარტიულ თუ ვიწრო ინტერესზე მაღლა უნდა იდგეს ქვეყნის დამოუკიდებლობა, თავისუფლება და განვითარება — მისი მომავალი. სწორედ ასეთი მომავლის ხედვა, რომელიც აერთიანებს ოპოზიციურ სპექტრსა და საზოგადოებას, შეძლებს პოლარიზაციის გადალახვას და ახალ ეროვნულ კონსოლიდაციას", — დაწერქა სალომე ზურაბიშვილმა.

შეგხსენებთ, გუშინ 2 მარტს, 9 ოპოზიციური პარტია გამარჯვების საერთო სტრატეგიაზე და თანამშრომლობის წესებზე შეთანხმდნენ. ამ ალიანსი არ მოხვდნენ ლელო ძლიერი საქართველო და გახარია საქართველოსთვის.

ოპოზიციის ალიანსი მიზნად ისახავს ბიძინა ივანიშვილის ავტოკრატიული რეჟიმისგან საქართველოს გათავისუფლებას, ევრო-ატლანტიკური კურსის აღდგენას და ამ გზით, საქართველოს ეროვნული დამოუკიდებლობის და სახელმწიფოებრიობის გადარჩენას.

ალიანსის წევრი პარტიებია: ახალი, გირჩი — მეტი თავისუფლება, დროა, ევროპული საქართველო, ეროვნულ-დემოკრატიული პარტია, ერთიანი ნაციონალური მოძრაობა, თავისუფლების მოედანი, სტრატეგია აღმაშენებელი და ფედერალისტები.