ახალ ფილმში ტომ ჰენკსი თავისი შორეული ნათესავის, ამერიკის შეერთებული შტატების მე-16 პრეზიდენტის, აბრაამ ლინკოლნის როლს მოირგებს.

როგორც ცნობილია, ფილმს ჯორჯ საუნდერსის 2017 წლის ბესტსელერის Lincoln in the Bardo-ის მიხედვით გადაიღებენ, ხოლო მასში მთავარ როლს ოსკარის მფლობელი 69 წლის მსახიობი მოირგებს.

ფოტო: Shutterstock

გავრცელებული ინფორმაციით, ფილმის გადაღებაში მონაწილეობას მიიღებს თავად ჰენკსი და მისი კომპანია — Playtone label. ხოლო, Lincoln in the Bardo-ს დიუკ ჯონსონი, ოსკარის ნომინანტი რეჟისორი, გადაიღებს.

Deadline-ის ცნობით, ფილმი ვიხილავთ ლინკოლნის ცხოვრების ყველაზე მნიშვნელოვან, ინტიმურ დეტალებს, მაგალითად — მის ურთიერთობას შვილთან, რომელიც 11 წლის ასაკში გარდაიცვალა. ასევე, ფილმი შეეხება ისეთ საკითხებს, როგორებიცაა: სიყვარული, ემპათია და მწუხარება.

ტომ ჰენკსი უოლტ დისნეის როლში

ტომ ჰენკსი უოლტ დისნეის როლში

ფოტო: IMDB

ტომ ჰენკსი ფრედ როჯერსის როლში

ტომ ჰენკსი ფრედ როჯერსის როლში

ფოტო: IM

აღსანიშნავია, რომ ჰენკსს ცნობილი და ისტორიული პიროვნებები არაერთხელ განუსახიერებია. მან 2013 წელს უოლტ დისნეის როლი მოირგო ფილმისთვის Mr. Banks. მოგვიანებით, ის ფილმ Sully-ში ჩელსი სულენბერგის როლში ვიხილეთ, ხოლო 2019 წელს ჰენკსმა A Beautiful Day in the Neighborhood-ში ფრედ როჯერსის როლი მოირგო.

ჯერჯერობით უცნობია, როდის ვიხილავთ აბრაამ ლინკოლნის შესახებ ახალ ფილმს. თუმცა, ჰენკსის გულშემატკივრებისთვის სასიამოვნო სიახლე გვაქვს: მსახიობი ვუდის როლს დაუბრუნდა ფილმისთვის Toy Story 5, რომელსაც ამავე წლის 19 ივნისს ვიხილავთ.