კანადა უკრაინას 300 მილიონი კანადური დოლარის (220 მილიონი აშშ დოლარი) ახალ სამხედრო დახმარებას გადასცემს და სანქციებს დააწესებს რუსეთის "ჩრდილოვანი ფლოტის" 100 გემზე. ამის შესახებ ჟურნალისტებს კანადის თავდაცვის მინისტრმა, დევიდ მაკგინტიმ განუცხადა. ინფორმაციას Reuters ავრცელებს.

ეს თანხა ნაწილია 2-მილიარდიანი დახმარების პაკეტისა, რომელიც მაკგინტიმ წარადგინა. აღნიშნული დაფინანსების უდიდესი ნაწილი ბიუჯეტში უკვე იყო დაანონსებული.