თბილისის მერიის განცხადებით, ახალი მეტროსადგურით სახელმწიფო უნივერსიტეტი მგზავრები დღეს, 16 ოქტომბერს, 17 საათიდან ისარგებლებენ.

უწყების ცნობით, მეტროსადგური დღეში დაახლოებით 15 ათასზე მეტ მგზავრს მოემსახურება. პროექტი მუნიციპალური განვითარების ფონდმა, აზიის განვითარების ბანკის ფინანსური მხარდაჭერით განახორციელა. სამშენებლო სამუშაოები ესპანურმა კომპანია კობრა ასიგნიამ შეასრულა.

მეტროსადგური სახელმწიფო უნივერსიტეტი დღეს, 16 ოქტომბერს პრემიერმა გიორგი კვირიკაშვილმა გახსნა. თბილისის 23-ე მეტროსადგურის სამშენებლო სამუშაოები 2015 წელს განახლდა. ეს მეტროსადგური 1995 წელს უნდა გახსნილიყო, თუმცა, მშენებლობა შეჩერდა. სამშენებლო სამუშაოების ღირებულება 83 მილიონი ლარია.