სუს-ის შენობასთან ავტომობილში სუს-ის ანტიკორუფციული სააგენტოს თანამშრომლის ცხედარი იპოვეს. თვითმხილველების ცნობით ადგილზე ექსპერტ-კრიმინალისტები მუშაობდნენ.

ინფორმაციის გავრცელებიდან მალევე სახელმწიფო უსაფრთხოების სამსახურმა ინფორმაცია გაავრცელა. მათ ცნობით, სუს-ის ანტიკორუფციული სააგენტოს თანამშრომლის გარდაცვალების ფაქტზე, თბილისის პროკურატურის საგამოძიებო სამმართველომ გამოძიება სისხლის სამართლის კოდექსის 115-ე მუხლით დაიწყო.

მათი ცნობით, ანტიკორუფციული სააგენტოს თანამშრომელი დღეს დილით საკუთარ ავტომანქანაში ცეცხლსასროლი იარაღით მიყენებული ჭრილობით გარდაცვლილი იპოვეს. შემთხვევის ადგილის დათვალიერებისას ამოღებულია ცეცხლსასროლი იარაღი, რომელიც გარდაცვლილს თან ჰქონდა და წერილი, რომელიც გვერდითა სავარძელზე იქნა ნანახი.