გორის მერს, კონსტანტინე ბუზალაძე სურს, რომ იმედზე მისი საქმიანობის ამსახველი მასალები დაუყოვნებლივ, იმავე დღეს გაშუქდეს, რაშიც ადგილობრივი ბიუჯეტიდან 7500 ლარს გადაიხდის — ამის შესახებ ქართლის ამბები გვატყობინებს.

მედიის ინფორმაციით, მხარეებს შორის ხელშეკრულება 2026 წლის 9 იანვარს გაფორმდა და წლის ბოლომდე ძალაშია.

"მიწოდებული ინფორმაცია დაუყოვნებლივ (ინფორმაციის მიწოდებიდან იმავე დღეს) უნდა განთავსდეს ვებგვერდზე," — წერია ხელშეკრულებაში.

გორის მერის საქმიანობაზე იმედისთვის კონტენტს მერიის სპეციალისტი მოამზადებს — ხელშეკრულებაში მასალების რაოდენობა განსაზღვრული არაა.