ავღანეთში წყალდიდობის შედეგად სულ მცირე 17 ადამიანი დაიღუპა და 11 დაშავდა. ამის შესახებ ინფორმაციას The Associated Press ავღანეთის კატასტროფების მართვის ეროვნულ სამსახურზე დაყრდნობით ავრცელებს.

არსებული ინფორმაციით, დაღუპულთაგან ორი ბავშვი იყო.

ავღანეთის ეროვნული კატასტროფების მართვის უწყების პრესსპიკერის, მოჰამედ იუსუფ საიდის განმარტებით, სტიქიამ ასევე მნიშვნელოვნად შეაფერხა ყოველდღიური ცხოვრება ცენტრალურ, ჩრდილოეთ, სამხრეთ და დასავლეთ რეგიონებში.

ჰამადის თქმით, წყალდიდობამ დააზიანა ინფრასტრუქტურა, დახოცა პირუტყვი და დააზარალა დაახლოებით 1 800 ოჯახს.