ახალციხის რაიონულმა სასამართლომ ცოლის განზრახ მკვლელობისთვის ქმარს 17-წლიანი პატიმრობა მიუსაჯა. სასამართლოს გადაწყვეტილების შესახებ ინფორმაციას საქართველოს პროკურატურა ავრცელებს.

უწყების ინფორმაციით, სასამართლომ სრულად გაიზიარა ბრალდების მხარის მიერ წარდგენილი მტკიცებულებები. მათ შორის იმ ნაწილში, სადაც საუბარი იყო ცოლის დისთვის და კიდევ ერთი პირისთვის განზრახ მკვლელობის მცდელობაზე.

სამართალდამცავებმა ცოლის მკვლელობაში ბრალდებული ქმარი 2017 წლის 9 აპრილს დააკავეს. მას ბრალდება საქართველოს სისხლის სამართლის კოდექსის 111 108-ე მუხლით (განზრახ მკვლელობა), 19-109-ე მუხლის მესამე ნაწილის "ა" პუნქტით (ორი პირის განზრახ მკვლელობის მცდელობა) და 126-ე მუხლის პირველი ნაწილით (ძალადობა) წაეყენა.