აშშ-მა სისხლის სამართლის საერთაშორისო სასამართლოს (ICC) ორ მოსამართლე — გოჩა ლორთქიფანიძე და ერდენებალსურენ დამდინი, ომში ისრაელის ქმედებების გამოძიებისთვის და გასამართლებისთვის დაასანქცირა.

აშშ-ის სახელმწიფო მდივანი მარკ რუბიოს განცხადებაში ვკითხულობთ, რომ აღნიშნული მოსამართლეები უშუალოდ იყვნენ ჩართულები ICC-ის მცდელობებში ისრაელის თანხმობის გარეშე მათი მოქალაქეების წინააღმდეგ სამართლებრივი დევნა დაეწყოთ. 15 დეკემბერს მათ ისრაელის წინააღმდეგ შეტანილ აპელაციას მხარი დაუჭირეს.

"ICC აგრძელებს პოლიტიკური ნიშნით ქმედებებს, რომლებიც ისრაელის მიზანში ამოღებას გულისხმობს და ქმნის სახიფათო პრეცედენტს ყველა სახელმწიფოსთვის. ჩვენ არ შევეგუებით ICC-ის მიერ უფლებამოსილების ბოროტად გამოყენებას, რომელიც არღვევს შეერთებული შტატებისა და ისრაელის სუვერენიტეტს და უსამართლოდ აქცევს აშშ-ისა და ისრაელის მოქალაქეებს სასამართლოს იურისდიქციის ქვეშ," — განაცხადა რუბიომ.

ბოლოს რუბიომ განცხადებაში დასძინა, რომ "შეერთებული შტატები და ისრაელი არ არიან რომის სტატუტის მხარეები და, შესაბამისად, არ აღიარებენ ICC-ის იურისდიქციას. ჩვენ გავაგრძელებთ მკაფიო და ხელშესახები შედეგებით პასუხის გაცემას ICC-ის "იურიდიულ ომზე" და უფლებამოსილების გადაჭარბებაზე.