"პლატფორმა 2025-ის" ინიციატივით, ქართველი ემიგრანტები რიგაში ლატვიის პარლამენტის თავმჯდომარეს, დაიგა მიერინას შეხვდნენ.

"პლატფორმა 2025-ის" ცნობით, შეხვედრის ძირითადი თემა გახლდათ ქართული ოცნების მიერ მშვიდობიანი პროტესტის მონაწილეების მიზანმიმართული დასჯა, წამება და ქიმიური აკრძალული იარაღის გამოყენება და რაც მნიშვნელოვანია — ლატვიის და დასავლეთის შესაძლო რეაგირება ამ საკითხთან დაკავშირებით.

"ქართველმა ემიგრანტებმა დაიგა მიერინას მიაწოდეს დეტალური ინფორმაცია ძალადობის ფაქტებზე, რასაც უკვე წელზე მეტია ახორციელებს ქართული ოცნება პროტესტის მონაწილეების წინააღდმეგ. განსაკუთრებით ხაზი გაუსვეს პროტესტის მონაწილე ქალების წინააღდმეგ არაადამიანურ დამოკიდებულებას, მზია ამაღლობელის და რეჟიმის სხვა ტყვეების მდგომარეობას, მედიის და სამოქალაქო სექტორის განადგურების მცდელობას, პოლიტიკური ლიდერების დაპატიმრებასა და პოლიტიკური პარტიების აკრძალვის მცდელობას.

შეხვედრაზე აღინიშნა, რომ "პლატფორმა 2025" სხვა პარტნიორ ორგანიზაციებთან ერთად დასავლეთის ლიდერებს და გამორჩეულ პარტნიორებს სთავაზობს, შეიქმნას საქართველოს მხარდამჭერი კოალიცია, რომელიც შეასრულებს ლოკომოტივის ფუნქციას საქართველოს საერთაშორისო მხარდაჭერის თვალსაზრისით.

დაიგა მიერინამ დიდი ინტერესი გამოიჩინა კონკრეტული საკითხების მიმართ, მან მონაწილეებს პირობა აღუთქვა, რომ შეეცდება ლატვიური, ასავე, ნორდიკული და ბალტიის ქვეყნების კონსოლიდაციას, რომ მიღებულ იქნას გადაწყვეტილება აკრძალული ქიმიური ნივთიერების გამოყენების ფაქტზე შეიქმნას საერთაშორისო საგამოძიებო მისია", — ნათქვამია "პლატფორმა 2025-ის" მიერ გავრცელებულ ინფორმაციაში.