ოცნების ხელისუფლების განატლების მინისტრის, გივი მიქანაძის განცახდებით, მომავალი წლიდან სახელმწიფო უნივერისტეტები უცხოელ სტუდენტებს აღარ მიიღებენ. მიქანაძემ დასძინა, რომ ეს ცვლილება არ შეეხება კერძო უნივერსიტეტებს და სახელმწიფო უნივერსიტეტმა "სახელმწიფო ინტერესებზე" უნდა იზრუნოს მხოლოდ.

"სახელმწიფო უნივერსიტეტები სახელმწიფო ინტერესებზე უნდა იყოს ორიენტირებული. კერძო უნივერსიტეტებში ჩვეულებრივ გაგრძელდება და მათ ექნებათ საშუალება უცხოელი სტუდენტები მიიღონ. შემდეგი სასწავლო წლიდან, სახელმწიფო უნივერსიტეტები ვერ მიიღებენ უცხოელ სტუდენტებს," — თქვა მიქანაძემ.

ცნობისთვის, გივი მიქანაძემ განათლების რეფორმის კონცეფციის პრეზენტაციაზე იმ ძირითად ცვლილებებზე ისაუბრა, რის განხორციელებასაც ქართული ოცნება განათლების რეფორმის ფარგლებში გეგმავს.

დაგეგმილი ცვლილებები, რომელთა ნაწილი 2026 წლიდან დაინერგება, ნაწილი 2027-28 წლიდან, ასე გამოიყურება — 11-წლიანი სწავლება — 2026 წლიდან, მოსწავლეების სახლთან ახლოს მყოფ სკოლებში ჩარიცხვა, I-VI კლასებში საჯარო სკოლებში სასკოლო ფორმები, ე.წ. რეპეტიტორიუმი XI კლასში, მხოლოდ ერთი და საერთო სახელმძღვანელოთი სწავლება, მობილური ტელეფონების აკრძალვა და ა.შ.