რამდენიმე აკაცუკი იკრიბება, გადაკეტავს გზას და ჩამოვიდა მათი პატრონი, რომ მოენახულებინა თავისი "შვილები", — ამის შესახებ თბილისის მერმა, კახა კალაძემ ეუთოს თავმჯდომარის, ელინა ვალტონენის რუსთაველის გამზირზე მისვლის შესახებ კომენტირებისას თქვა.

"ძალიან სამწუხარო ფაქტი იყო, როდესაც ვხედავთ ამ ტიპის ნაბიჯებს. თუმცა გასაკვირიც არ არის, იმიტომ რომ ჩამოვიდა თავის "შვილებთან". იცით, რომ ზუსტად გარედან ფინანსდება ეს ძალადობრივი ჯგუფები, რომლებიც რუსთაველზე იკრიბება. რამდენიმე აკაცუკი იკრიბება, გადაკეტავს გზას, ძალიან დიდ დისკომფორტს უქმნის დედაქალაქის მოსახლეობას და ჩამოვიდა მათი პატრონი, რომ მოენახულებინა თავისი შვილები", — განაცხადა თბილისის მერმა, კახა კალაძემ ეუთოს თავმჯდომარის, ელინა ვალტონენის მიერ რუსთაველის გამზირზე მისვლის შესახებ.

ეუთოს თავმჯდომარე ელინა ვალტონენი 14 ოქტომბერს საქართველოს ეწვია, მანამდე ის სომხეთი იმყოფებოდა, 15 ოქტომბერს კი აზერბაიჯანში გაემგზავრა. ვალტონენი, საქართველოში ვიზიტის ფარგლებში, ოცნების ხელისუფლების საგარეო საქმეთა მინისტრს შეხვდა, დღის ბოლოს კი რუსთაველის გამზირზე მიმდინარე აქციაზე მივიდა და პროტესტის მონაწილეებს მხარდაჭერა გამოუცხადა. 15 ოქტომბრის დილას ოცნების ხელისუფლების მთავრობის ადმინისტრაციამ გაავრცელა ინფორმაცია, რომ ამ ნაბიჯის გამო ირაკლი კობახიძემ მასთან შეხვედრა გააუქმა. ფინურ გამოცემასთან საუბრისას კი ვალტონენიმ განაცხადა, რომ აზერბაიჯანში გამგზავრების გამო თავდაპირველად მან გააუქმა ირაკლი კობახიძესთან შეხვედრა.