საქართველოს ფინანსთა სამინისტროს საგამოძიებო სამსახურის თანამშრომლებმა, საბაჟო დეპარტამენტის წარმომადგენლებთან ერთად, საბაჟო საზღვარზე საქონლის გადაადგილების წესების დარღვევისთვის სამი პირი პასუხისგებაში მისცეს.

საგამოძიებო სამსახურის ცნობით, სადახლოს საავტომობილო გამშვებ პუნქტზე, ეჭვმიტანილი სამალავის მეშვეობით 871 ერთეული ბრილიანტის თვლის შემოტანას ცდილობდა. კანონდარღვევის ორი შემთხვევა დაფიქსირდა აჭარაში, სარფის საბაჟო გამშვებ პუნქტზე სადაც, ეჭვმიტანილები 900 გრამი ოქროს ნაკეთობის შემოტანის კონტროლის გავლის გარეშე ცდილობდნენ.

ამოღებული ძვირფასეულობის ჯამურმა საბაჟო ღირებულებამ 61 ათასი ლარი შეადგინა.

გამოძიება საქართველოს სისხლის სამართლის კოდექსის 214-ე მუხლით მიმდინარეობს. კანონდარღვევა სასჯელის სახით 3- დან 5 წლამდე თავისუფლების აღკვეთას ითვალისწინებს.