24-27 ოქტომბერს საირმეში — წყნარ და თვალწარმტაც საკურორტო ქალაქში, მენტალური ჯანმრთელობის ცენტრი "დიალოგის“ მიერ ორგანიზებული პირველი ქართული მენტალური ჯანმრთლობის ფესტივალი იმართება. ღონისძიება ფოკუსირებულია საკუთარ თავზე ზრუნვისა და მენტალური ჯანმრთელობის ხელშეწყობაზე.

ფესტივალი აერთიანებს ქართველ და ევროპელ ექსპერტებს, ასევე, ჰოლოტროპული სუნთქვის ვორქშოპს ჩაატარებს ევროპიდან მოწვეული სერტიფიცირებული ფასილიტატორი ფრედერიკო მარკესი.

მრავალფეროვანი პროგრამა

ფესტივალი მოიცავს თერაპიული სესიების ფართო სპექტრს, რომელიც დაეხმარება მონაწილეებს სტრესის მართვაში, საკუთარი თავის უკეთ გაცნობასა და ემოციური ბლოკების მოხსნაში.

ფოტო: დიალოგი

ფესტივალზე ძირითადი სესიები ძირითადი სესიები მოიცავს:

  • ჰოლოტროპული სუნთქვა
  • სისტემური განლაგება
  • ბგერითი და მოძრაობის თერაპია,
  • ნეიროგრაფიკა
  • არტ თერაპია
  • იოგა

ეს აქტივობები, საირმის იდილიურ გარემოსთან და სპა პროცედურებთან ერთად ქმნის ჰოლისტიკურ გამოცდილებას, რომელიც ხელს უწყობს როგორც ფიზიკური, ისე მენტალური ჯანმრთელობის გაუმჯობესებას.

ამასთანავე, თერაპიულ სესიებთან ერთად, ფესტივალი მონაწილეებს სთავაზობს მენტალური ჯანმრთელობის ვორქშოპებსაც, სადაც მოწვეული სპიკერები ისაუბრებენ ფსიქოგანათლების მიმართულებაზე და ჩაატარებენ ისეთ ვორქშოპებს, როგორებიცაა: ფერების ფსიქოლოგია, ნეიროლინგვისტური პროგრამირება, მანიფესტაციის ტექნიკები, ტრანსცენდენტული მედიტაცია და სომატური სუნთქვითი პრაქტიკები.

ორგანიზატორების ერთ-ერთი მიზანია, ფესტივალი მაქსიმალურად მოერგოს სხვადასხვა მსურველების ინტერესებს, სწორედ ამიტომ, დაინტერესებულ ადამიანებს ფესტივალის ვებგვერდზე ინდივიდუალური პაკეტების შექმნა და მათთვის საინტერესო თერაპიების არჩევა შეუძლიათ.

ფესტივალის ლოკაციად საირმე მისი თერაპიული წყლებისა და მშვიდი გარემოს გამო შეარჩიეს. მთის სუფთა ჰაერი, მდინარის ხმა და მრავალფეროვანი ტყეები სიმშვიდის განცდას ქმნის. საირმის ბუნებრივი სილამაზე და მინერალური წყლები აძლიერებს ბუნებისა და ფსიქიკური კეთილდღეობის დადებით კავშირს, ეხმარება სტუმრებს სტრესის შემცირებასა და კონცენტრაციის გაუმჯობესებაში.

აღნიშნული ფესტივალის ორგანიზება უმნიშვნელოვანესია იმისათვის, რომ საქართველოში მენტალური ჯანმრთელობის შესახებ ამაღლდეს ცნობიერება. ღია და მხარდამჭერი სივრცის შექმნით, კი ფესტივალი ხელს შეუწყობს იმ სტიგმის დაძლევას, რომელიც საზოგადოებაში დღესაც საკმაოდ აქტუალურია.