"ეს არის პრევენციული დოკუმენტი ზოგადპოლიტიკური დედამიწისთვის მომავალი გამოწვევების თავის არიდების მიზნით", — ასე შეაფასა ოცნების პარლამენტის დეპუტატმა, ლადო კახაძემ ოცნების პარლამენტის ე.წ. დროებითი საგამოძიებო კომისიის დასკვნის შეფასებისას.

ის მიესალმება ოცნების პარლამენტის თავმჯდომარის მიერ გაჟღერებულ ინფორმაციას იმის შესახებ, რომ ე.წ. კომისიის დასკვნა ითარგმნება.

"მე გავიგე, რომ ეს ითარგმნება. მივესალმები. ეს არის პრევენციული დოკუმენტი ზოგადპოლიტიკური დედამიწისთვის მომავალი გამოწვევების თავის არიდების მიზნით.

ახლა დავაკონკრეტებ 3 მისამართს, ვისთან უნდა მოხვდეს ეს დოკუმენტი: ევროსაბჭოს 700-ვე დეპუტატი, თუ მეტია, თუ ნაკლებია. როცა საქართველოს საკითხი იხილება ხოლმე დარბაზში 5 კაცი ზის და აი, ჩვენი ოპონენტების შეკოწიწებული თუ შეთითხნილი რამ 5 კაცი ისმენს და 700 უჭერს მხარს. მე ვუტრირებ ახლა 700 არაა, ნაკლები ციფრია. მეორე — მოხვდება თუ არა ეს დოკუმენტი ამერიკის ადმინისტრაციაში. უნდა მოხვდეს! იმიტომ, რომ თითქმის წელიწადი გადის და იმ "გაურკვევლობასა" ბოლო უნდა მოეღოს და მესამე — ვინც ამაში, ამ ჩადენილ დანაშაულში თანამონაწილედ ვთვლი, მოხვდება თუა რა ევროპის სახალხო პარტიის რიგებში მისი გავრცელება", — თქვა ლადო კახაძემ.