საფრანგეთში, ქალაქ მარსელის რკინიგზის სადგურზე ცივი იარაღით თავდასხმისას ორი ადამიანი დაიღუპა. სამართალდამცავებმა თავდამსხმელი მოკლეს. ხელისუფლება მომხდარს ტერორიზმად განიხილავს.

როგორც ადგილობრივი მედია იუწყება, თავდამსხმელი "ალაჰუ აკბარს" (დიდება ღმერთს) ყვიროდა. პოლიციის ცნობით, სიტუაცია კონტროლს ექვემდებარება, თუმცა მოქალაქეებს ქალაქის იმ რაიონში, სადაც რკინიგზის სადგური მდებარეობს, მოძრაობისგან თავის შეკავებას ურჩევენ.

გავრცელებული ინფორმაციით, გარდაცვლილია ორი ქალი, თავდამსხმელი კი 20-25 წლის კაცი იყო.