18 აგვისტოს ღამეს რუსებმა კვლავ შეუტიეს აზერბაიჯანის სახელმწიფო კომპანია SOCAR-ის ნავთობტერმინალებს დრონებით, რამაც მასშტაბური ხანძარი გამოიწვია.

როგორც "უკრაინსკაია პრავდა" იტყობინება, SOCAR-ს 10 უპილოტო საფრენი აპარატი დაესხნენ თავს. სამაშველო ოპერაციაში 100-ზე მეტი მაშველი მონაწილეობდა. წინასწარი ინფორმაციით, მსხვერპლი არ არის.

"ჰაერსაწინააღმდეგო თავდაცვის ძალების აქტიური მუშაობის მიუხედავად, ოდესის რეგიონში დარტყმებმა ხანძარი გამოიწვია. ოდესის გარეუბანში, საწვავისა და ენერგეტიკის ინფრასტრუქტურის ობიექტსა და ორსართულიან შენობაში ხანძარი გაჩნდა. ჩვენმა მაშველებმა სწრაფად ჩააქრეს ძლიერი ხანძარი", — აცხადებს ოდესის სახელმწიფო ადმინისტრაციის ხელმძღვანელი ოლეგ კიპერი .

გენერალური პროკურორის ყოფილმა მოადგილემ გუნდუზ მამედოვმა განაცხადა, რომ დარტყმა აზერბაიჯანული ნავთობკომპანია SOCAR-ის ნავთობტერმინალზე განხორციელდა.

შეგახსენებთ, რომ 2025 წლის 8 აგვისტოს ღამეს, რუსეთმა ოდესის რეგიონში აზერბაიჯანული ნავთობკომპანია SOCAR-ის ნავთობსაწყობზე შაჰიდის 5 დრონით განახორციელა თავდასხმა, რამაც ხანძარი გამოიწვია და დიზელის საწვავის მილი დააზიანა.