სერბი კინორეჟისორი და მუსიკოსი ემირ კუსტურიცა, რომელიც ოკუპირებულ ცხინვალსა და ანექსირებულ ყირიმში არის ნამყოფი, რვა დეკემბერს თბილისში, სპორტის სასახლეში კონცერტს გამართავს. მისი ფოლკ-როკ ჯგუფი The No Smoking Orchestra მსოფლიო ტურნეს ფარგლებში თბილისსაც ეწვევა. კონცერტის ორგანიზატორია Art Media Group.

პირველი არხის ინფორმაციით, Art Media Group-ის ხელმძღვანელმა, ლელა ასლანიკაშვილმა განაცხადა, რომ კუსტურიცა კონფლიქტის ზონაში მოგზაურობს, რადგან ბევრ ადგილას იწვევენ:

"რაც შეეხება მის პოზიციას, ის ყოველთვის წინააღმდეგია კონფლიქტების, ვინაიდან სერბია, მისი ქვეყანა, მისი სახლი დაიბომბა."

ემირ კუსტურიცა 2009 წელს ცხინვალის ტერიტორიაზე ფილმის გადასაღებად იყო, თუმცა, როგორც შემდეგ გახდა ცნობილი, პროექტი არ შედგა. ივლისშიThe No Smoking Orchestra-მ კონცერტი გამართა ყირიმში. უკრაინამ ქვეყნისთის საფრთხის შემცველი პირების "შავ სიაში" შეიყვანა.

საქართველოში მოქმები ოკუპირებული ტერიტორიების კანონის მიხედვით უცხო ქვეყნის მოქალაქეებისთვისა და მოქალაქეობის არმქონე პირებისათვის ოკუპირებულ ტერიტორიებზე შესვლა დაშვებულია მხოლოდ ორ შემთხვევაში:

  • აფხაზეთის ავტონომიური რესპუბლიკის ტერიტორიებზე - ზუგდიდის მუნიციპალიტეტის მიმართულებიდან;

  • ცხინვალის რეგიონში - გორის მუნიციპალიტეტის მიმართულებიდან.

სხვა ნებისმიერ შემთხვევაში ოკუპირებულ ტერიტორიებზე აკრძალულია და ისჯება საქართველოს სისხლის სამართლის კოდექსით. ოკუპირებული ტერიტორიების შესახებ კანონის დარღვევას ხანდაზმულობის ექვსწლიანი ვადა აქვს. ემირ კუსტურიცა კი ცხინვალში რვა წლის წინ იყო.

ემირ კუსტურიცა რუსეთის პრეზიდენტის, ვლადიმერ პუტინის მიმართ კეთილგანწყობით გამოირჩევა. ერთ-ერთ ინტერვიუში მან განაცხადა, რომ ხელისუფლებაში პუტინის ხელისუფლებაში მოსვლის შემდეგ სერბების მიმართ პატივისცემა გაიზარდა. 2016 წელს რუსეთის პრეზიდენტმა კუსტურიცას მეგობრობის ორდენი გადასცა.