რუსული მედიის ინფორმაციით, რუსეთის ამურის ოლქში "ან-24" ტიპის სამგზავრო თვითმფრინავი გაუჩინარდა — სამთავრობო მედია Tass.ru რუსეთის საგანგებო სიტუაციების სამინისტროზე დაყრდნობით წერს, რომ გაუჩინარებული თვითმფრინავის მოსაძებნად მაშველები უკვე გაგზავნეს.

"თვითმფრინავის საძებნელად მობილიზებულია ყველა საჭირო ძალა და საშუალება," — წერს Telegram-ზე ამურის ოლქის გუბერნატორი ვასილ ორლოვი.

მისივე ცნობით, თვითმფრინავის ბორტზე 43 მგზავრი იმყოფებოდა.

საგანგებო სიტუაციების სამინისტროში აცხადებენ, რომ თვითმფრინავთან დაკავშირება ვერ ხერხდება.