საქართველოს პრეზიდენტმა, გიორგი მარგველაშვილმა გადაწყვიტა, არ დანიშნოს რიგგარეშე სხდომა 26 სექტემბერს, რისი თხოვნითაც მას პარლამენტის თავმჯდომარემ, ირაკლი კობახიძემ მიმართა. ამის შესახებ დღეს, 25 სექტემბერს გამართულ ბრიფინგზე მარგველაშვილის საპარლამენტო მდივანმა, ანა დოლიძემ განაცხადა.

დოლიძის თქმით, კონსტიტუციის პროექტი ვერ უზრუნველყოფს ხელისუფლების შტოთა შორის ელემენტარულ ბალანსსაც კი და ქმნის ერთპარტიული მმართველობის საფრთხეს.

"კონსტიტუციის პროექტს აქვს არაერთი ხარვეზი, მათ შორის კი მთავარია, რომ ეს არ არის თანხმობის დოკუმენტი. პროსეტის შემუშავება მოხდა ნაჩქარევად და მასში არ არის გათვალისწინებული ვენეციის კომისიის რეკომენდაციები."

საპარლამენტო უმრავლესობას რიგგარეშე პლენარულ სხდომაზე საკონსტიტუციო ცვლილებების მესამე მოსმენით განხილვას გეგმავს. საქართველოს პარლამენტმა კონსტიტუციის პროექტი მეორე მოსმენით 23 ივნისს მიიღო. კენჭისყრას სულ 115 დეპუტატი ესწრებოდა, მათ სრულად დაუჭირეს მხარი საკონსტიტუციო ცვლილებებს. პროცესს ბოიკოტი გამოუცხადა ოპოზიციამ.