რუსეთის ძალებმა დონეცკის ოლქის სოფლები ზელენი კუტი და ნოვოუკრაინკა დაიკავეს, რომლებიც დნეპროპეტროვსკის ოლქთან ადმინისტრაციულ საზღვართან მდებარეობს. ამის შესახებ The Kyiv Independent წერს.

Moscow Times რუსული ძალების მიერ კიდევ 2 დასახლებული პუნქტის დაკავების შესახებ ავრცელებს ცნობებს.

რუსეთის თავდაცვის სამინისტროს 6 ივლისის განცხადებით, რუსულმა ჯარებმა დაიკავეს პიდუბნე დონეცკის რეგიონში და სობოლივკა — ხარკოვის რეგიონში. როგორც The Moscow Times წერს, პიდუბნე დნეპროპეტროვსკის საზღვრიდან დაახლოებით 7 კილომეტრში მდებარეობს, ხოლო სობოლივკა — კუპიანსკიდან 3 კილომეტრში. ეს ტერიტორია ადრე მოსკოვის კონტროლირებულ ტერიტორიად არ იყო გამოცხადებული. სამინისტრო აღნიშნავს, რომ შეტევები აღმოსავლეთში პოზიციების გამაგრების მიზნით მიმდინარეობს.

უკრაინის მხარეს ჯერჯერობით ოფიციალურად არ დაუდასტურებია დასახლებული პუნქტების დაკარგვა, თუმცა ცნობილია, რომ ამ ზონაში მძიმე ბრძოლები მიმდინარეობს. წარსულში უკრაინის თავდაცვითმა სტრუქტურებმა მსგავსი შეტყობინებები "გადაჭარბებულად" შეაფასეს და აღნიშნეს, რომ ეს უფრო სადაზვერვო შეღწევები იყო, ვიდრე ფართომასშტაბიანი შეტევები.

მიუხედავად იმისა, რომ რუსული წყაროები გამარჯვებებს ადასტურებენ, დამოუკიდებელი წყაროებით თითოეული სოფლის სტატუსის დადასტურება რთულია, რაც ბრძოლის სირთულითა და ზონის მიუწვდომლობით არის განპირობებული.

6 ივლისს რუსეთის არმიის მიერ ხარკოვის რეგიონის ქალაქ სობოლივკაზე და დონეცკში პიდდუბნეზე რუსეთის არმიის მიერ კონტროლის დამყარების შესახებ იტყობინება ასევე რადიო თავისუფლება.