კოალიცია ცვლილებისთვის ერთ-ერთი ლიდერი, ელენე ხოშტარია ლელო — ძლიერი საქართველოს გადაწყვეტილებას სოციალურ ქსელში ეხმაურება. მისი თქმით, ლელოს გადაწყვეტილება არ განსაზღვრავს საქართველოს ბედს. ფულითა და ტელევიზიით შანტაჟს კი შედეგი არ ექნება.

"ძალიან კარგია სიცხადე!

4-პროცენტიანი ლელო რას იზამს ნამდვილად არ განსაზღვრავს საქართველოს ბედს!
სუსტები არიან თუ მოღალატეები ისტორიამ განსაჯოს, ჩვენ საქმეს მივხედოთ!
და საქმე ბევრია და აუცილებლად მივხედავთ!

Ps. ჰოდა კიდე ფულით და ტელევიზიით აშანტაჟეთ საკუთარი თავები, ბიძინამ ვერ გატეხა ეს ქვეყანა ფულით, მართლა მეცინება," — დაწერა ელენე ხოშტარიამ.

ცნობისთვის, ლელო — ძლიერი საქართველო თვითმმართველობის არჩევნებში მონაწილეობას მიიღებს. როგორც ლელო — ძლიერი საქართველოს გენერალურმა მდივანმა ირაკლი კუპრაძემ განაცხადა, ისინი მზად არიან სრული ჩართულობისთვის და დიქტატორული, რუსული რეჟიმის წინააღმდეგ ბრძოლისთვის.