"უკრაინისთვის დახმარების გაწევით და რუსეთის წინააღმდეგ სანქციების გაფართოებით საფრანგეთი დასავლეთის ომის პარტიას ჩაუდგა სათავეში", — ამის შესახებ საგარეო საქმეთა სამინისტროს ოფიციალურმა წარმომადგენელმა, მარია ზახაროვამ, ბრიფინგზე განაცხადა.

"ფრანგებმა ფაქტობრივად აიღეს ლიდერობა დასავლეთის ომის პარტიაში", — თქვა ზახაროვამ.

ზახაროვამ ხაზგასმით აღნიშნა, რომ ევროკავშირის ახალ ანტირუსულ სანქციებს არაფერი აქვთ საერთო უკრაინაში სიტუაციის მოგვარებასთან — ისინი შეკავებისა და ომით ვაჭრობის პოლიტიკის ელემენტია.

უკრაინის პრეზიდენტმა, ვოლოდიმირ ზელენსკიმ X-ზე დაწერა, რომ ემანუელ მაკრონთან უკრაინული არმიის მხარდაჭერა, თავდაცვის სფეროში თანამშრომლობა და უკრაინაში შიდა იარაღის წარმოება განიხილა.

"განვიხილეთ ჩვენი არმიის მიმართ მხარდაჭერა, თავდაცვის სფეროში თანამშრომლობა და უკრაინაში ჩვენი შიდა იარაღის წარმოება. რა თქმა უნდა, ასევე გვქონდა სიღრმისეული საუბარი შეერთებულ შტატებთან ურთიერთობებსა და კოორდინაციაზე", — წერს მაკრონი.

20 მაისს, ევროკავშირის საბჭომ რუსეთის წინააღმდეგ სანქციების ახალი, მე-17 პაკეტი დაამტკიცა. რუსეთის წინააღმდეგ სანქციების მე-17 პაკეტის მიღებისთანავე, ევროპული დიპლომატიის ხელმძღვანელმა, კაია კალასმა, სანქციების მე-18 პაკეტისთვის მზადების დაწყების შესახებ განაცხადა. მან აღნიშნა, რომ ევროკავშირი ამ ნაბიჯს დგამს იმისთვის, რომ "რუსეთს მშვიდობის დამყარების სურვილი გაუჩნდეს".

ზახაროვამ ევროკავშირის ახალი სანქციების კომენტირებისას თქვა, რომ ყველამ უნდა დაუმახსოვროს — "რუსეთი ულტიმატუმებს არასდროს პასუხობს".