გერმანიის საგარეო უწყება ოცნების ხელისუფლებას მოუწოდებს, რომ შეცვალოს არსებული პოლიტიკური კურსი და შეწყვიტოს ევროპის პოზიციებთან და პოლიტიკასთან დაკავშირებით ყალბი ნარატივების გავრცელება.

მათვე განცხადებაში, რომელსაც ტელეკომპანია ფორმულა ავრცელებს ნათქვამია, რომ "გერმანიის ელჩზე თავდასხმა მიუღებელია".

"გერმანია და ევროკავშირი იმეორებენ მოწოდებას საქართველოს მთავრობისადმი, შეწყვიტოს ევროპის პოზიციებთან და პოლიტიკასთან დაკავშირებით ყალბი ნარატივების გავრცელება და შეცვალოს არსებული პოლიტიკური კურსი. გერმანიის ელჩი თბილისში წარმოადგენს ფედერაციული მთავრობის პოზიციას.

შეშფოთებით აღვნიშნავთ, რომ გრძელდება აგრესიული რიტორიკა ქართული ოცნების წარმომადგენლების მხრიდან ევროკავშირის და მისი წევრი ქვეყნების მიმართ. გერმანიის ელჩზე თავდასხმა მიუღებელია", – უთხრა ფორმულას გერმანიის საგარეო უწყების პრესსპიკერმა.