თბილისი მარიოტში დღეს საქართველოს პრეზიდენტმა ევროპული ჟურნალისტიკის ტრეინინგ-ასოციაციის (EJTA) ყოველწლიურ კონფერენცია გახსნა და სიტყვით წარსდგა.

"ძალიან მნიშვნელოვან ეტაპზე ვართ ჩვენი ქვეყნის დემოკრატიული განვითარების პროცესში, რომელშიც მნიშვნელოვან როლს მედიაც ასრულებს. ქართველებს აინტერესებთ მედია და პოლიტიკა. მათ სძულთ პოლიტიკოსები და უყვართ ჟურნალისტები და ის კითხვები, რომლებსაც ისინი სვამენ. როცა ურთიერთობ მედიასთან, ეს ნიშნავს რომ შენ ურთიერთობ საზოგადოებასთან" - თქვა გიორგი მარგველაშვილმა.

ევროპული ჟურნალისტიკის ტრეინინგ-ასოციაციის კონფერენციაზე "საუკეთესო ჟურნალისტური ნაშრომისათვის" გამარჯვებულები ჯოშუა ფრიდმანის და GIPA პრიზით დააჯილდოვეს.

EJTA-ს ყოველწლიური კონფერენცია საქართველოში პირველად ჩატარდა და მას დაესწრნენ ქართველი, ევროპელი და ამერიკელი ჟურნალისტები, მედიის მკვლევარები და მედია-სკოლების წარმომადგენლები.