ქართული ოცნების თბილისის მერობის კანდიდატი კახი კალაძე ტაბულასთვის მიცემულ ინტერვიუში ამბობს, რომ კორპუსის მშენებლობაზე ნებართვა მას არ მიუღია. მისივე თქმით, არქი ჯგუფისთვის მხოლოდ მინდობილობა ჰქონდა მიცემული და პროექტი და კოეფიციენტების შესყიდვაც კომპანიამ გააკეთა.

მერობის კანდიდატის განცხადებით, კომპანიას მან საკუთარი მიწა მიყიდა:

"მხოლოდ ეს მიწა იქნა ჩემ მიერ გასხვისებული, მე არავისთვის ფული არ მომიპარავს, ბიუჯეტი არ გამიძარცვია, ეს იყო ჩემი შემოსავლებით. მე ვიყავი მილანის ფეხბურთელი, მაღალანაზღაურებადი. მაგასაც არ დაგიმალავთ ექვსი მლნ დოლარი მქონდა ხელფასი... და მეორე რომელ ნაკვეთზეც საუბრობთ ეს არ ვიცი, ანუ რაღაცას იტყუებით."

გამომძიებელ ჟურნალისტთა გაერთიანებამ ifact-მა მმართველი გუნდიდან თბილისის მერობის კანდიდატის კახი კალაძის კომპანიისთვის სამშენებლო ნებართვის მიღების შესახებ მასალა გამოაქვეყნა. მასალის მიხევდით, 8-სართულიანი კორპუსის მშენებლობის ნებართვა მერიისგან იქ მიიღო, სადაც კანონით დასაშვები მაქსიმუმი სამი სართულია.