ოცნების ლიდერის, მამუკა მდინარაძის თქმით, ინფორმაცია იმის შესახებ, რომ ის შინაგან საქმეთა მინისტრის თანამდებობაზე ინიშნება, ჭორია.

"ძალიან გთხოვთ, ჭორებს ნუ აჰყვებით. მთელი პასუხისმგებლობით გეუბნებით, რომ ეს არის ჭორი, რომელსაც გაგრძელება არ ექნება", — განაცხადა მამუკა მდინარაძემ.

მისი თქმით, "იმხელა საქმე აქვს ცალკე პარტიაში, ცალკე პარლამენტში, რომ იყოს მსგავსი საკითხი აღმასრულებელ ორგანოში, შეიძლება ვერც კი მოახერხოს".

"ვერ გადავალ, პირდაპირ გეუბნებით, ვახო გომელაური რომ არ იყოს, ჯერ ერთი ჩემი მეგობარია და პროფესიონალი ადამიანი, იმხელა საქმე მაქვს, იმდენი — ცალკე პარტიაში, ცალკე პარლამენტში, რომ იყოს მსგავსი საკითხი აღმასრულებელ ორგანოში, დღეს ალბათ შეიძლება ვერც კი მოვახერხო გადასვლა, თეორიაში მოგყვებით.

[...] თქვენ ალბათ წარმოდგენა არ გაქვთ, რამხელა რაღაცა მაქვს დაკისრებული, გულწრფელად გეუბნებით, რაც ჩემ ახლობელთან ვილაპარაკე ამ დღეებში ამასაც კი გეუბნებით თქვენი უზრდელობის მიუხედავად. იმხელა ფუნქციები მაქვს დაკისრებული როგორც პარლამენტში, ასევე პარტიაში, რომ დღეს ამ არჩევნების წინ წარმოუდგენელი ამბავია", — განაცხადა მდინარაძემ.

ცნობისთვის, რამდენიმე დღის წინ, ტელეკომპანია ფორმულამ გაავრცელა ინფორმაცია იმის შესახებ, რომ შინაგან საქმეთა მოქმედი მინისტრი ვახტანგ გომელაური შესაძლოა გადაგეს და შს მინისტრის თანამდებობაზე მამუკა მდინარაძის კანდიდატურა განიხილება.