კრემლის პრესსპიკერი დიმიტრი პესკოვი გამორიცხავს რუსეთის ფედერაციის მხრიდან უკრაინის სასარგებლოდ ნებისმიერ ტერიტორიულ დათმობაზე წასვლას.

"ტერიტორიები, რომლებიც რუსეთის ნაწილი გახდა და ჩვენი ქვეყნის კონსტიტუციაში შევიდა, რუსეთის განუყოფელი ნაწილია. ეს ფაქტია, რომელიც უარყოფასა და განხილვას არ ექვემდებარებ", — განაცხადა პესკოვმა ბრიფინგზე.

პესკოვის განცხადება ნიშანია იმისა, რომ რუსეთი აპირებს, გააგრძელოს ბრძოლა იქამდე, სანამ არ დაიკავებს ოთხივე უკრაინულ რეგიონს, რომელსაც მოსკოვი საკუთარ ტერიტორიად თვლის. რუსეთის კონსტიტუციის თანახმად, დონეცკი, ლუგანსკი, ხერსონი და ზაპოროჟიე რუსეთის ნაწილია, მიუხედავად იმისა, რომ მას რუსეთის ძალები არ აკონტროლებენ.

გუშინ ანალოგიური განცხადება რუსეთის საგარეო საქმეთა მინისტრმა სერგეი ლავროვმაც გააკეთა, რომელმაც განაცხადა, რომ რუსეთს ოთხივე რეგიონზე კონტროლის სრულად დამყარება სურს.