ლიეტუვის პრეზიდენტი გიტანას ნაუსედა დღეს, 24 თებერვალს, კიევში გამართულ უკრაინის მხარდამჭერ სამიტზე სიტყვით გამოვიდა. პრეზიდენტმა ევროკავშირსა და ევროპელებს კონტინენტის უსაფრთხოებაზე პასუხისმგებლობის სრულად აღებისკენ მოუწოდა. ნაუსედას თქმით, უკრაინის უსაფრთხოება მჭიდროდაა გადაჯაჭვული სრულიად ევროპის უსაფრთხოებასთან.

ლიეტუვის პრეზიდენტმა ევროკავშირს შესთავაზა, მიიღონ მათ რიგებში უკრაინა 2030 წლის 1 იანვარს და დააჩქარონ მოლაპარაკებების პროცესი.

"მოდი, დავაჩქაროთ უკრაინის ევროკავშირში მიღების პროცესი. გთავაზობთ, სამიზნე თარიღი 2030 წლის 1 იანვარი იყოს. მოლაპარაკებების პირველი ეტაპის გახსნა შესაძლებელია მომდევნო კვირებშიც. მოდით, ვაქციოთ ევროკავშირში უკრაინის გაწევრება გარდაუვალ პროცესად", — განაცხადა გიტანას ნაუსედამ.