Financial Times-ის ცნობით, აშშ-ის წარმომადგენლები უარს ამბობენ რუსეთის აგრესორად მოხსენიებაზე დიდი შვიდეულის ერთობლივ განცხადებაში, რომლის გამოქვეყნებაზე სრულმასშტაბიანი შეჭრის 3 წლის თავზე იგეგმება.

"ჩვენ დაჟინებით მოვითხოვთ, რომ განცხადებაში მკაფიოდ იყოს გარჩეული რუსეთი და უკრაინა, იმიტომ, რომ ისინი არ არიან თანასწორები ამ ვითარებაში. ამერიკელები ბლოკავენ ასეთ ფორმულირებებს, ჩვენ ჯერ კიდევ ვმუშაობთ და იმედი გვაქვს, რომ საბოლოოდ მივაღწევთ კონსენსუსს", — ამბობს Financial Times-თან საუბარში ერთ-ერთი წყარო.

დიდი შვიდეულის სამიტი ორშაბათს, 24 თებერვალს უნდა გაიმართოს.

დღეს გავრცელდა ცნობები იმის შესახებაც, რომ აშშ გაეროში უკრაინის მხარდამჭერი რეზოლუციის თანასპონსორიც არ იქნება.

ინფორმაციისთვის, 19 თებერვალს დონალდ ტრამპმა ვოლოდიმირ ზელენსკის "დიქტატორი" უწოდა და არჩევნების დანიშვნისკენ მოუწოდა.

ასევე იხილეთ: Reuters: აშშ გაეროში უკრაინის მხარდამჭერი რეზოლუციის თანასპონსორი არ იქნება